06-04-07, 03:26 AM
|
#1 |
|
( متسوق نشيط )
|
السلام عليكم ورحمة الله وبركاته ... صلينا العشاء وبعد الصلاة جاء واحد عشان يلقي كلمة وبدأ بالإلقاء ... فحمد الله سبحانه ... وبدأ بقصة عن شخص صار له حادث على طريق رفحاء ولما جو يبون يلقنونه الشهادة قال الشخص : البرتقاله ... البرتقاله .. لا حول ولا قوة إلا بالله ... اللهم أحسن خاتمتنا وخاتمة جميع المسلمين ... اللهم آمييين . وبعدها بدأ بسرد قصته يقول : في يوم من الأيام أذنت في مسجد لصلاة الفجر في إحدى محافظات الرياض .. وبعد الصلاة جاني ولد الجيران وطلعنا نفطر وأثناء ركبونا في السيارة جاب الخرازه معه ( نوع من الأسلحة النارية ) وحطها بيننا وكنت أنا أسوق وهو راكب وكان الراكب اللي هو صاحبي يحاول في الخرازه لأنها معلقه وكان موجهها لي وقلت له مايجوز توجهها لي وغيرت اتجاهها وبعدها وجهها لي مره ثانيه وتوني بقول له يافلان مايصلح . إلا وانطلقت رصاصة من الخرازه واستقرت في أعلى أنفي ... ( وكان مكان الرصاصة واضح وهو يحدث علينا ) ويكمل قصته ويقول نزلت راسي وكانت النافذه حقت السيارة مفتوحه وخويي يقول لي ... يافلان لا تستهبل , يحسبني أمزح أو استهبل عليه ولما رفع راسي كان الدم ينزل من أنفي ومن فمي , وراح لأهله أو أهلي وقال لهم ترى فلان رمى نفسه بالخرازه , المهم ونقولوني للمستشفى في المحافظة وقال الدكتور : إن نسبة الشفاء هي 5 بالميه فقط ... و 95 بالميه بيتوفي , قال الوالد : مادامه بيموت خلوه يموت عندي لان الدكتور قال : انقلوه أو أهله قالوا نبي ننقله للرياض لمستشفى الشميسي , وأقنعوا الوالد ووافق ... وأثناء نقله بسيارة الإسعاف كان الدم ينزف بغزاره ومع كل مطب أو حركه للسيارة كانت تنزل كتل من الدم من أنفي وفمي , ولما وصلوا لمستشفى الشميسي شاف الدكتور حالته وقال لهم نفس كلام الدكتور الأول : إن نسبة الحياة عنده 5 بالميه فقط .. المهم دخلوه للعناية المركزه وكان لازال ينزف لدرجة أنهم عطوه 7 أكياس دم ودخل في غيبوبه ويقول إن أهله كانوا يقولون إنه كان يصحى ويقرأ : قل يا أيها الكافرون ... قل هو الله أحد ... قل أعوذ برب الناس ...وغيرها وبعدين يرجع يدخل في غيبوبته مره ثانيه , ومره صحى وقال : من كان يؤمن بالله واليوم الآخر فليقل خيرا أو ليصمت وكررها 3 مرات ... وبعدين رجع في غيبوبته مره ثانيه , المهم سبحان الله بعد مدة شهر ونصف صحى من الغيبوبه ونقل للأقسام الداخليه ولما صحى من الغيبوبه في مستشفى الشميسي . قال له أخوه عن الحادثه وإنك أطلقت على نفسك بالخرازه , لا مهوب أنا اللي أطلقت على نفسي ولد الجيران هو اللي أطلق علي , ولكن أنا ما أبي شي منه ... , ويقول مره كان أخوي معي مرافق وجاء الدكتور وكلم أخوي وسألت أخوي وش قال لك الدكتور : قال ماقال شي , قلت أسألك بالله إنك تعلمني وش قال لك ؟ قال : أخاف أقولك ويضيق خاطرك قال : قل , قال له أخوه : إن الدكتور يقول أخوك راح يكون عنده شلل نصفي وماراح يشفى منه . يقول قلت لأخوي : الشفاء بيد الله سبحانه ... الهم يقول بعد فترة قلت لأخوي تتحداني أوقف ؟ قال أخوه : إذا عندك عزيمة وإراده قويه إن شاء الله بتوقف . يقول : قمت ووقفت على رجليني سبحان الله .., من اللي وقفني ؟؟؟ الله سبحانه وتعالي .. وراح أخوي واتصل على أبوي وأمي وباقي أهلي وبلغهم وجوا وكلهم مو مصدقين بعد ما كانت نسبة النجاة من الموت 5 بالميه والدكتور : مقرر شلل نصفي لي وماله علاج أقوم وأوقف على رجلي مره واحده ... يقول : أمي لما كانت تشوفني مره تبكي ومره تضحك ... من الفرحه . الله لا يلخينا منهم .. وهذا انا واقف أمامكم الحين , صحيح إن الله أخذ مني حاسة الشم بس الحمد الله ماحرمني من المشي والوقوف عشان أقدر أجي للمسجد ... لا إله إلا الله محمد رسول الله ... |
|
|
19-04-07, 08:55 PM
|
#2 |
|
من كبار الشخصيات
|
مشكوووووووووووووووورررررررررر |
|
|
|
19-04-07, 08:56 PM
|
#3 |
|
من كبار الشخصيات
|
مشكوووووووووووووووورررررررررر |
|
|
|
19-04-07, 08:59 PM
|
#4 |
|
مراقب منتديات في آي بي العامة
|
الله يجزاك اااااااااااااااااااااااااااااااالف خير يا عبدلله |
|
|
|
30-04-07, 12:24 AM
|
#5 |
|
من كبار الشخصيات
|
مشكور وما قصرت بانتظار الابداعات الجديدة منك |
|
|
|
30-04-07, 01:54 AM
|
#6 |
|
من كبار الشخصيات
|
مشكوور وماقصرت بانتظار جديدك |
|
|
|
02-02-08, 03:31 PM
|
#7 |
|
( متسوق رسمي )
|
لا إله إلا الله محمد رسول الله الف شكر لك |
|
|
|
09-04-08, 01:14 PM
|
#8 |
|
( تاجر )
|
الله يعطيك العافية |
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
العرض العادي
