14-05-09, 02:16 AM
|
#3
|
كبار الشخصيات
|
السلام عليكم ورحمة الله وبركاته
الف شكر لك يااخي الكريم على هالنصيحه الغاليه
انا احد الاشخاص اللي كان بيروح فيها بسبب النصاب ذا
انا شفت له اعلان في احد المنتديات يبيع ايفون بسعر رخيص جدا
اعجبني السعر واضفت ايميله عندي وقالي ارسل المبلغ لحسابي في البنك الامريكي قلتله ماعندي حساب في الامريكي شوف لي حساب بنك الرياض او بنك الراجحي او بنك الاهلي
تصدقون ياجماعة الخير قالي ماعندي حساب في البنوك المذكوره قلتله طيب اي واحد من اقربائك قالي حتى اقربائي ماعندهم حسابات؟؟
المهم شكيت في وضعه وخصوصا انه كان حريص على اني احوله المبلغ
سالته وينك الحين قال بالرياض قلتله حلو انا بالشرقيه لكن راح ارسلك المبلغ مع ولد عمي عشان يسلمك الفلوس وتسلمه الجهاز قالي انا الحين في استراحه مع الشباب قلت له ماهي مشكله يجيك لين الاستراحه قالي مااقدر اقابله لاني مسافر الباحه يعني صرفني
قلتله ع العموم الف شكر لك وتقبل تحياتي وعملت له بلوك لليوم هذا
يارب ان كان هالشخص يعمل بالحرام فاحرمه حياته امين يارب العالمين
|
|
|
|