23-10-09, 09:18 PM
|
#8
|
مراقب منتديات في آي بي العامة
|
البــآآرت االرابع عشر /14
**** مآآقدر ع الفصحى ...
ريناد وهي داخله:السلام عليكم
راحت ام عبد الرحمن جلست بالكنب قريب منهم
ام ياسر وقفت من الصدمه طبعا 10 سنوات ماشافت بنتها اكيد كبرت واحلوت :وعليكم السلام...انتي ريناد
ريناد وهيا تسلم عليها:اييوا ..مين معاي ؟
ام ياسر:ماشاء الله تبارك الله....(بتردد مع فرح)....انا امــك يابنتي...!!!
رينـاد منصمـة وعلى وجهها أكبر علامة استفهام :؟!؟!؟!؟!؟!؟!؟!
أم يـاسر : أنـا امـــك يا تولاي ..
رينــاد مصمـــه ومو مصقده نزلت دمعتها لا ارااديا وقالت : انتي مو امي لا تكذبي علياا ..
ام ياسر : ريناد حبيبتي انا امك والله انا امك .. (قربت عندها تبغى تحضنها ) ..
ريناد تصرخ وتبكي بقوووه : لا لا تمسكين انتي مو امي ( تأشر عللا ام عبدالرحمن ) هاذي امي بس هاذي انا عندي ام وحده .. (وراحت عند ام عبدالرحمن حضنتها)
ام عبد الرحمن حضنتها وهيا نفسها تدمع مو متحمله ريناد الي ربتها وهيا صغيره تروح منهم : ليش رنود تسوي كدا هادي امك .. ليش تصيحين روحي عند امك حضن امك الي انحرمتي منه ..
ريناد تبكي بصوت عالي وحضنت ام عبدالرحمن : لالالالالا ..(بصرآآآآخ ) إنتي امي مااماا لا تكذبي .. انتي ماقد كذبتي علياا ( وتشااهق بصوت عالي ) ماامااا شوفي هذي ( تأشر على ام ياسر ) تقول انها امي .. ماما تبغى تخطفني
ام عبدالرحمن : ياحبيبتي ياريناد .. هذي امك انتي مو فاهمة السالفه .. اهدي ياقلبي وافهمي الموضوع (ابتسمت وقالت ) من امك .. ياريناد ..
رينـــاد تركتــها وسكتت .. بس تنزل دموع .. مو مصدقه .. يعني ساره مو اختهاا .. عبد الرحمن مو أخوهـا .. منصدمـــه
أم عبدالرحمن : ريناد حبيبتي اجلسي خلي امك تحكيكي القصـــه ..
ريناد رجعت لحالتها وبصوت كسيــــر : لا تقولي أمك .. انتي امي .. ما عندي ام غيرك ..
ام ياسر بلطف ودموعها بهدوء تنزل : ريناد حبيبتي انا امك .. انا الي تعبت فيكي وحملتك في بطني .. انا امك ياريناد
رينااد بعصبيه : انا مو بنتك سااامعه لا تقولي بنتي ..
ام ياسر : طيب خلاص .. بس اهدي مو من صالحك انك تتعبي نفسك .. خلينا نتفاهم واحكيكي اقصه ..
ريناد سكتت .. جلست تفكر بحياتها الجديده الي نزلت فجأه مش معقووول .. بين يوم وليله تكتشف ام جديده ومن لقافتها حبت تعرف الحكايه جلست وقالت : طيب احكي يلاا
أم ياسر تنهدت وقالت : آآ.. أنا انا طول الفتره كنت بعيده عنك .. وكان عندي اخت من زوجة ابوك الثانيه .. اسمها ام رازان
مرة شالتك وخرجتك .. وضيعتك وما اهتمت بالسالفه وهيا اصلا ما كانت تهتم فيكي ولا شي كانت تحط عند المربيات والشغالات 24 ساعه .. كانت تكرهك مررررررره حتى لمن ضعتي مافكرت حتى تدور عليكي ولا تسأل (غمضت عيونها وكملت ) وجات ريناد سعود الي ربتك قبل ام أبو عبد الرحمن , حصلتك وعرفت انك بنتي لأنها كانت صديقتي زمان يعني تعرفني واعرفها وجت عندي وقالت بنتك تولاي معاي واخذتك وربتك آربع سنـــواات ولمن ماتت ( فتحت عيونها وابتسمت لأم عبد الرحمن ) أخذتك ام عبد الرحمن وربتك 6 سنــوآآت .. طالعت ( طالعت بريناد وابتسمت ) والحيــن آنــا جيت ارجعك .. ارجع بنتي الي فقدتهاا .. ارجع بنتي الي من لحمي ودمي ..
ريناد قاطعتها وهيا منصدمـــــه : وينك عني من 10 سنوات .. دوبك تفتكري انو عندك بنت .. ولا اخلاص كبرتي وتبغي وحده تهتم فيكي ..
أم ياسر نزلت راسها وقالت : كنت دااااااايما اطمن عليكي من بعيد لـ بعيــــد .. لأني كنت بالســ ( سكتت .. تنهدت وقالت ) بالســـــجن
ريناد مسكينه دخلت بمتااهة من الصدمات عقلها ماصار يستوعب ولا كلمه : بالسجن ليش ايش في .. ايش سويتي كمااان ؟!؟؟؟
ام ياسر : قبل 10 سنوات كنا بـ امريكا وكنا انا وام رازان كااارهييين بعض وفي مرة م الايام .. حرشت ابو ياسر الي هوا ابوكي .. وتقلوآ كلاام عني كلو خطا في خطا. ولمن كرهني .. هيا السبب خلتو يكرهني كرّهتووآ فيني .. وجااء عندي ومعاه سلاح صوبه قدامي .. ( غمضت عيونها أنها تسترجع الايام ) وفي آخر لحظة حاولت أدافع عن نفسي ودفيت يده . وهوا دق ع المسدس وجات الرصاصه عليه .. .. وقتل نفسه وجت الشرطه طبعا وحققت مع كل واحد منا وقالتلهم ام رازان عني وبلغت علي بذات انو بصماتي على المسدس وبعد ما انحكم علي وكل شي .. سجنوني الين الحين.. بس الحمدلله جاء عفو ملكي للمسجونين الي لهم 10 سنوات واكتر .. وانا كنت منهم وخرجت ادور عنك الين لقيتك
ريناد كأنها بدأت تستوعب : يعني السبب كلو بأم رازان .؟؟؟؟؟؟
ام ياسر بإبتساه لطيفه : ايواااا يابنتي
ريناد عصبت ماتعودت تسمع بنتي الا من لسان ام عبد الرحمن وقالت :لا مو مصدقه طيب ايش يثبتلي انك امي .. انا ابغى دليل ...
|
|
|
|