23-10-09, 08:54 PM
|
#4
|
مراقب منتديات في آي بي العامة
|
البارت الرابع /4
عبد الرحمن بصدمة كبيـرة:مـــلـــــك!!!!!
ملك تجري لعنده وتحضنه بقووه
عبد الرحمن وهوا حاضنها:وحشتيييييني ياقلبي
ملك ودموعها بعيونها:وانته اكتتتر...
عبد الرحمن وهوا يفكها شويا:وينك سنه مافي اخبار عنك ؟!
ملك:والله بعد لمن رجعت لهنا بعده بشهر كدا إنسرق جوالي مدري ضاع و الارقام كلها راحت إشتريت جوال جديد واخدت بعض الارقام من البنات بالمسن بس ماكان عندي ايميلك وسار الي سار
عبد الرحمن يرجع يحضنها:والله معلييش مايهم اهم شي رجعتيلي سالمه
ــــــــــــــــــــــــــــــــــ
بالإسترآآحه..
سلافه:ماما وين ملك دي ؟
ام مختار:مادخلت ورايا؟
سلافه:لأأ
ام مختار:يمكن بالمدخل ولا شي روحي شوفيها
سلافه:طيب لحظه(تروح برا الاستراحه):ملـك ملك (سكتت لمن شافت اختها حاضنه شاب بقووه كدا بس ماشافت شكل الشاب لانو كان ظهره عليها )
سلافه شهقت ع الخفيف:واااا ملك تسوي كدا لا مو معقووله (وتدخل داخل الإستراحه وسؤال يجيبها وسؤال يرجعها من إلي شافتو)
ام مختار:ها وينها؟
سلافه تصرف:آآه دحين داخله
ام مختار:بروح اشوفها
سلافه بسررعه تمسك امها :لالا انا شفتها تتعدل دحين داخله خلاص
ام مختار استغربت بس دخلت جوا
سلافه:يووووه دين هادي ايش يدخلها ماما بدأت تشك أف خليني ادق عليها احسن
ــــــــــــــــــــــــــــــ
يرن جوال ملك
ملك نفك عبد الرحمن شويا وتطلع جوالها:الوو
سلافه:هلا يلا وينك؟؟
ملك تتذكر:آآه الان داخله خلاص(وتقفل)
عبد الرحمن:ههههههه يلا اعطيني رقم جوالك(يدخل يده بجيبه مايلاقي جواله)اوووف نسيت جوالي بالبيت
ملك:ايوا طبيعتك نساي ههههههه
عبد الرحمن:بلاخرط انا اصلآ اول مره انسى جوالي
ملك:امزح معاك اما زعلت
عبد الرحمن:عسل على قلبي
ملك انحرجت بس تصرفه:يلا اعطيني رقم جوالك
عبد الرحمن:ايوا عارف تصرفيني بس بتقبلها لاول مره
ملك بدلع:عبـد الرحمـن يــلآآ
عبد الرحمن يضحك:لاوتدلعي عليا هههههه هاتي جوالك انا بسجلو
ملك بضحك:اف يعني لازم (تمد له الجوال)
عبد الرحمن وهوا ياخد الجوال:ايوا لزوووم (يسجل الرقم)
ملك:يلا هادا كلو تسمي لنفسك
عبد الرحمن:ها خلاص خدي
|
|
|
|