|
ماعاد في ثقه بين الناس !! ارجو من الجميع قراءه الموضوع
السلام عليكم ورحمة الله وبركاته اخوتي الاعزاء الكرام اصحاب الاخلاق العاليه قبل فتره ارسلي واحد على الخاص جمله ارقام وقالي نظامها حلا وفاوضته على السعر واشتريتها منه ب 1400 ريال وعدد الارقام 19 رقم موبايلي هو بالرياض وانا بجده حولت لواحد من الشباب فلوس وعطاه الارقام وعدهن خويي وهو لايعرف بالارقام ولا شي وطلعت شرايح رحااااااال يعني غشني وش رايكم؟؟ ادق عليه مقفل جواله وليتها شغاله الارقام والنكنيم حقه baderx48 واشهدوا علي يارجال عطيته فرص كثيره يرجعها ولا رد على رسايلي انا ابي اتحاسب انا واياه بالدنيا خايف عليه من حساب رب العالمين لكن هو ظرب كلامي بعرض الحائط واثر 1400 ريال على الاخره اشهدوا علي ما اسامحه والله يجعلهن نار عليه بالدنيا والاخره ويجعلها بصحته ياااااارب العالمين حتى رب العالمين ماخاف منه؟؟؟ كانه مستبعد ان في حساب وبعث؟؟ انا تدينتهن دين وكنت بايعهن جمله بس دعيت دعاء مظلوم وانتوا تعرفون دعاء المظلوم لكن حبيت احذركم منه بس والسلام عليكم ورحمة الله وبركاته. |
وعليكم السلام
هلا اخوي ابو احمد / الله يعوضك خير وانا اخوك صدقني مايضيع حقك وانت اوكلت امرك لله رب العالمين شديد العقاب وهالشي ماسواه إلا يحس نقص بداخله انسان ضعيف صدقني ماراح يتوفق في هذه الدار الفانيه تمتم بوووود |
لاحول ولاقوه الا بالله
حسبي الله عليه لاتخاف اخوي ابو احمد مايروح شي عند رب العالمين وعساها نااااار في بطنه الحرامي وياليت تبلغ اداره الموقع عشان يلغون نكه |
شكرا لمشاركاتكم اخواني
واداره الموقع بيشوفون الموضوع وهم يتحققون منه بشكل مباشر ويبندوونه |
الله يعوضك خير يابو احمد وان شاء الله هو ماراح يتوفق |
فعلا هذي مشكله كبيره
انا شريت رقم من عضو وقال انه باقة حلا ولالاسف طلع رحال ودقيت عليه وتعذر مني وكان مثال للاخلاق وقالي بالحرف الواحد فلوسي محفوظه ولكن اعد الشريحه وتم الاتفاق بيننا لكن يا اخي الله يعوض عليك ويهدي خوينا ولا تنسى يمكن صار له مكروه منعه من الرد عليك انت تدري ان اخوي الله يرحمه صلى العصر معي بالمسجد وطلعع بيته وانا طلعت بيتي وبعد شوي يتصلون عياله انه فاقد الوعي وجيت والينه متوفي الله يرحمه ويرحمنا معه ولكن يا اخي اصبر والامر لله |
السلام عليكم ورحمة الله وبركاته
أخوي أبو أحمد 220 ترى إلي سويته ماله داعي أبد يعني والله مايسوى الموضوع انا ماكنت أدري عن الشرايح إنها باقة رحال كان بإمكانك تراسلني على الخاص وتنتظر ردي مو معقولة تروح تشهر فيني كذا والله ماتسوى ترى الفلوس وصخ دنيا وأنا ماتهمني الأ1400 كثر مايهمني الكلمه الطيبه والسمعه الطيبه ومعرفة الرجال وفلوسك ترجعلك ريال ينطح ريال هذا وعد مني قدام الله ثم قدام أعضاء المنتدى ومثل مادخلنا بالمعروف نطلع بالمعروف وأنتظر أعتذارك الرسمي مثل ماشهرت فيني تعتذر وخليت الناس يدعون علي في هالمرحله الصعبة من مستقبلي ( أختبارات جامعة ) كل التحية لك يا ابو أحمد وانا مالومك بس كان بإمكانك تنتظر ردي ولا تكذب وتقول عطيتني فرصة للرد وانا مارديت عليك مو تجاهل بس مادخلت المنتدى لظروف إختباراتي إلا اليوم على العموم الله يسامحك على إلي سويته فيني |
يا اخوان الله يعطيكم العافيه جميعا والموقع يتشرف بتواجدكم بين جنباته .. شكرا لسمو اخلاقكم وبالاخير الثقه موجوده بالجميع والحمدلله ان الموضوع كان فيه لبس واتمنى انه ينتهي بكل محبه .. |
الحمد لله على كل حال إلتمس لإخيك 70 عذراً إن بعض الظن إثم وكل إنسان وله ظروفه والرجل أعترف بالحقيقه ولم ينكرك يا أخي أبوأحمد من عفا وأصلح فأجره على الله العفو عند المقدرة وكلنا أخوان ومسلمين وبعيدن الدعوة المستجابة في الغيب |
الأخ الكريم baderx48 قال عليه الصلاة والسلام: (إن الشيطان يأس أن يعبده المصلون في جزيرة العرب ولكن بالتحريش بينهم). وقال النبي صلى الله عليه وسلم: (ما زاد الله عبداً بعفو إلا عزاً) قال سبحانه: ((وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ)) وقال عز وجل: ((وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ)) وقال سبحانه: ((فَاعْفُ عَنْهُمْ وَاصْفَحْ إِنَّ اللَّهَ يُحِبُّ الْمُحْسِنِينَ)) وقال صلى الله عليه وسلم: (لا تقاطعوا ولا تدابروا ولا تباغضوا ولا تحاسدوا وكونوا عباد الله إخوانا). وأسأل الله لك التوفيق في الاختبارات ،،، |
| جميع الأوقات بتوقيت GMT +3. الساعة الآن 12:33 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.
موقع في آي بي للبيع والشراء