|
الرصيد -5:50 الخصم مستمر
السلام عليكم ورحمة الله وبركاته
اخواني انا عندي مشكله غريبه عجيبه عندي رقمي ( سواء ) مبسوط عليه لا مشاكل ولا ازعاج ولا اي مضايقات فجأه جاتني رساله وفيها علامات استفهام وارقام مخربطه مدري كيف جايه سويت لها مسح وطلع الرصيد مخصوم منه 3 ريال ؟؟ اتصلت على 902 وقلت لهم السالفه قالو لي انت مشترك في قناة او شي ( طبعا ً انا لايمكن ارسل من جوالي بدون ماادري انا اعرف ارسل لمين واعرف اتصل على مين ) وبالعكس الرسائل اللي فيها دعايه او شي امسحها على طول ! قلت للموظف لا ماارسلت ولا شي قال هذي خدمه انت مشترك فيها رقمها 809413 قناة كرتون نتورك قلت خلاص نلغي الخدمه هذي مع اني مااشتركت فيها قال ارسل حرف الـ غ ارسلت حرف الـ غ مافيه فايده يقول لي انت مشترك لدينا ارسلت كل الحروف على الرقم نفس السالفه ارسلت الارقام كلها على الرقم من 1 الى 10 نفس السالفه الرصيد كل ماله ينخصم لين صار تحت الصفر لاني مشغل خدمة كمل يااخوان ارجو افادتي في السالفه انا والله العظيم ما اشتركت في الخدمه ولا ارسلت لهم ابدا هم ارسلو لي وبعد ماخذو رصيدي ارسلت لهم حرف الغين على كلام الموظف بس مافيه فايده رصيدي راح والرقم اللي كنت مستانس فيه طلع مامنه فايده استقبل عليه مكالمات فقط لان الرصيد مجرد اني اشحن يخصمون علي 5 ريال ومره 3 ريال وكل مايرسلون لي يخصمون رصيدي راح عليهم لو الرقم مو غالي على قلبي ومو مميز وعاجبني وعليه اكثر معارفي كان كسرت الشريحه بس الرقم غالي علي ومعارفي عليه كثيررر لايمكن اتخلى عنه تكفون ياجماعة الخيرررررررررر عطوني حل قطعي انا ماعاد اتحمل اكثر من كذا رصيدي كله راح عليهم والله كل ماشحنت بعشرين راحت بقى لي 5 حقت خدمة كمل اكلم فيها او ارسل منها وهذا مو كلام ؟ ابي حل جذرري مع العلم صعبه اكسر شريحتي او اتخلى عنها لايمكن ما الحل ؟؟!! الحل يا أخوان ؟ |
اخوي مشعل ..
في حل سويته وضبط معاي .. جرب يمكن يزين معاك .. كان عندي جوال عام الاتصالات .. واشغلوني عالم حواء وانا مالي اي علاقه فيهم ونفس كلامك اتصلت وقال الموظف ارسل غ الى الرقم وما نفع .. في الاخير حولت الرقم موبايلي وتركته اكثر من اربعه شهور موبايلي وبعدين رديته سوا وافتكيت منهم الى هاللحظه .. جرب ان شاء الله تنفع معاك دام الرقم غالي عليك .. بالتوفيق وانا اخوك |
جرب اتصل على رقم شكاوي الاتصالات
8002444455 وان شاء الله يفيدونك |
مشكورين على تفاعلكم معي
ويعلم الله وفي ذمتي يا عيال اني ما اشتركت في هالخدمه ولا ارسلت لهم فجأه بدأ الخصم لاحول ولا قوة الا بالله ياليتني على رقمي الاول ابرك لي صح ان كل الارقام فيه مابقى فيه الا التسعه والنجمه والمربع بس ارحم اشحن ولا يخصمون علي بس وش اقول غير اللي بتوقيعي .. اقتباس:
خطه حلوه شكلي بسويها بس ضنك تطول السالفه ؟ وكيف اجرائاتها في نفس اليوم ؟ اقتباس:
الله يجزاك كل خيررر بتصل الان وبشوف وش يقولون |
حبيب قلبي جرب ترسل stop لنفس الرقم اللي تجيك منه هالرسائل وعلمني |
اقتباس:
ارسلت يالغالي نفس الحكايه يقول لي انت مشترك لدينا ارسلت ايقاف ارسلت الارقام من 1 الى 10 ارسلت مساعده كل شي جربته بس ماش مافيه فايده على الله كل شي بيني وبينكم احس انها فبركه من الاتصالات عشان اترك الرقم وانا ما احط شي في ذمتي ولكن الدعوه فيها علامات استفهام كبيررره ؟؟؟ |
أرسل غ مسافه الارقام من 1 الى 10 مثال غ 1 غ 2 زي كذا أو أرسل حرف u اذا مانفع جرب ترسل stop تكون حروفها كابيتال |
:cool:
ابشركم تم حل المشكله والحمدلله بعد معاناة طويله دامت 23 يوم انا ارسلت حرف الـ غ من البدايه وتقريبا ً ارسلته اكثر من 10 مرات اليوم ارسلت كلمة ( مساعدة ) على نفس الرقم وارسلو لي للألغاء الخدمه ارسل حرف الـ غ ؟ < اول مره يرسلون لي كذا ؟ قلت برسل واجرب ارسلت حرف الـ غ وارسلو لي تم الغاء الخدمه بنجاح والحمدلله ماعاد يخصمون من رصيدي ولا شي ولا ارسلو لي اليوم من الساعه 8 الصباح الى الحين الحمدلله شحنت رقمي ب 10 وللحين موجوده الحمدددله شكرا لكل من رد وقدم لي حلول مثل اخوي: عز الهوى , الذوق , احساس وشكرا ً اخوي عز الهوى على الحل اللي ذكرته صدقني كنت ناوي اروح اليوم استفسر عن النقل كيف ! شكرا لكم |
| جميع الأوقات بتوقيت GMT +3. الساعة الآن 02:31 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.
موقع في آي بي للبيع والشراء