|
نرجو التوضيح من العضو فرعون نجد والمصداقية
بسـم الرحمن الرحيم السلام عليكم ورحمة الله وبركاته أكثر من شهر ونصف عرض أحد الاعضاء فرعون نجد هذا الرقم 0536666666 وقال الرقم لاعلى سومة وحط مزاد مثل الاتصالات السعودية وصار كل عضو صار يزيد ويرفع السومة وانا وصلت معه الين 168 الف قبل كم يوم وقال بنزيد 6 ايام عشان فيه ناس سامت بنفس السومة ورجع بعده رفعه الين 180 الف ريال وقال أخر يوم الين يوم السبت وانا فرقت السوم في اليل يوم الجمعه ب 181 الف ريال ورجع ارسل رسالة في الخاص انه الرقم تم بيعه خارج الموقع ب 190 الف ريال علما انك قلت لم يعرض لاشخاص خارج هذا الموقع وانه انت مجرد وسيط شيكت في الشركة عن الرقم باقي مانصرف شيكت على المدير الي يصدق التعميدات لاصحاب السمو الملكي قال ماجانا تعميد على الرقم ولاأحد طلبه والتعميدات راح تجي على المقسم الجديد بعد الحج وكل واحد بيأخذ نصيبه علما يوم كلمت فرعون قبله بأسبوع قال اذا وقف عليك السوم ينصرف بأسمك وتجيب شيك مصدق ويطلع لك الرقم كل واحد يتصل على الرقم يعطيك انه باقي مانصرف والبرامج الي تطلع لك الرقم تدق اي رقم في بالك موجودة وكثيرة أحنا نبي الرقم الي قلت انه مباع واخذه واحد والرقم مانصرف ولابأسم أحد أخوي فرعون أرجو تقديم الادلة التي تثبت ان الرقم بحوزة صديقك وانه عنده تعميد للرقم كيف تعلن عن رقم لايملكه أحد عن رقم ليس بحوزت اي شخص بل لملك الاتصالات وكل ماطلبت منك رقم جوال لك ماعطيتني ايه والين اليوم مانصرف اي شي علما انك قلت أخر يوم للمزاد يوم السبت في عنوانك مكتوب كل شي صاحب الموقع وقف أعلانك في البدايات وكلمناه وقلنا الرجال أكيد يكون صادق نرجو الايضاح بالتفصيل نرجو منك المصدقية في كل كلمة قلته نرجو جمع جميع الاثباتات التي تثبت انه الرقم موجود معكم وانك عرضته وعلى فكرة انت أخفيت رقم 3 علشان مأحد يحاجك نرجو من الادارة التحقيق في الموضوع شاكر لجميع الاخوان في هذا الموقع الكبير |
انا مازيد على كلام اخوي ملك شي بس في ملاحظة اي شخص يعرض رقم يضع رقم لاستفسااااار |
الله لايبارك فيه ولايوفقه الكذاب الدجال فرعون نجد ماهو برجال بل ناقص واشكرك يابوعبدالله على التنويه والله يجعلها في ميزان حسناتك
|
حياك الله أخوي الكريم ، بصراحه لو معي مثل هالمبلغ أشتريت أرض ، وبنيت بيت هههههههه
عاد كل إنسان حر بماله ،، أما بخصوص الاخ فرعوووون ، فأعتقد هذه مسؤوولية الادارة المفرووض المفروض الارقام اللي بهالشكل وبهالمبالغ الكبيرة لابد موجود إثباتات قبل عرضه بالمنتدى عاد انا ما أدري عن سياسة المنتدى واللي ماشين عليه الاخوان أما كل واحد يعرض على كيفه ويربط خلق الله معاه فهذا الشي غير صحيح الله يعوضك اخوي خير منه ، رزقي على الله كلك حركات مر من هنا سلآمااااا |
ننتظره ونشوف رده
لا اله الا الله |
السلام عليكم ورحمة الله وبركاتة ..
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
شكرآ الله يجزائك خير ... |
هذا دور المشرفين وين الادارة
اعتقد ان الرد بكلمة جزاك الله خيرا وحد غير كافي نحن الاعضاء نريد توضيح لما كتبه الاخ ملك المميز لكي لانفقد ثقتنا في الموقع انا اعتبره هروب والادارة قاعده تتفرج والمشرف مو بيده شي يسويه او يمكن ما عنده صلاحيه مثل هذه المواقف تتبين الادارة الناجحة وتفصل الامور اما السكوت فهو غير مبرر |
تـوضيح :
1- انا وسيط وسبق وقلت لك انا وسيط ... 2 - ما ابي ادخل في معمعة معك .. او كثر الكلام وزيد .. 3- فية تعميدات كثير تصبح على الرقم .. بس قد تصرف وقد لا تصرف ... 4- صرف الرقم راح يكون بعد شهر تقريبا ... والتعميد يصبح معمد على حسب قوة الخطاب .. اخوي ملك .. وسبق وقلت لك اذا انصرف لك .. انا مستعد اشترية منك .. باي مبلغ وفوق مبلغك .. والايام تدور .. 5- لا تتهم المسلمين بغير وجه حق .. 6- اعرف السبب .. قبل لا تسوي اي شي .. على شان ما تندم عليه .. واذا انا غلطة في حقك انا اسف اخوي ... 7- يا عزيز انا ما نصبت عليك ولا لعبة عليك ولا حطية السومة من عندي .. 8 - انا وسيط .. 9- لخواني واخواتي الاعضاء .. لا يجوز الدعاء على المسلم بدون وجه حق .. 10 - انا ما قلت لك ارسل فلوسك .. وسبق قلت لك .. اذا انصرف ابتصل عليك من نفس الرقم .. والا انت تتصل علي من رقمك اخوي .. 11- ياخوي .. ما يندرى وش المكتوب لك .. التعميد اذا صار فية تعمين وصار هناك تعميد لجهه معينة لصرف الرقم .. يغلى التعميد السابق .. ويقدم خطاب اعتذار .. 12 - انت تقول رحت للدعم .. اوكية ... انا قلت لم يستخدم .. وقلت لم يصرف .. وانت قلت لي ابية صرف باسمي .. وقلت لك اذا انصرف يتم التنازل بسمك ... 13 - انا واضح اخوي انا لي اكثر من سنتي في هذا الموقع.. والشخص اهم شي سمعة .. وثقة الناس فية .. 14 - اخوي لو اخوي الذوق ما يثق فيني او اني نصاب على قولتك كان ما صرة مشرف في هذا الموقع لمدة اكثر من سنة .. 15 - اذا انا غلطان على احد ارجوا العذر والسموحة .. 16 - اخوي اثقة موجودة وانا اخوك .. بس ياليت الواحد يفهم ... ولا يطلع مرجوج شوي... 17 - اذا انت تبي الرقم .. سو خطابك من خويك . واعرضة .. اذا انصرف لك .. ياليت تعرضة هنا في الموقع .. 18- ( انا وسيط ) اعتذري لصاحب الموقع ... من اليوم خذها وعد مني الاشياء التي انا لا املكها ( وانا وسيط فيها لن اتم عرضها ) 19 - اخوي انا اعتذر عن اي تصرف بدر مني سواء كان مني او من خويي.. |
هذه احدى رسائل .. التي في الخاص لاخوي .. ملك ..
اقتباس: المشاركة الأصلية كتبت بواسطة مـلك المـمـــيز شفت لو 050 اقتباس: المشاركة الأصلية كتبت بواسطة مـلك المـمـــيز بفتح بابه ب 200 الف ريال مو مشكلة مشكلته 053 الرقم بيطلع تعميد تقدرون تبيعونه بسرعه قبل نزول المقسم الجديد او في وقت نزول المقسم اخوي ملك الرقم ما فيه عيب بالعكس الرقم ثلاثة قريب من الستة... 36 شكل الثلاثة عكس الستة وانت عرف سعرة لو نزل في الجرايد ... وعلى فكرة رقم 050 و 055 ما اتوقع يبيعة اصلا... لانة من الشخصات المعروفة جدآ .... وانت تتوقع الرقم اللي يطلع بتعميد ما يدفع رسوم للرقم المميز ... اخوي ملك في بعض الاحيان يستخرج الرقم بسعر اكثر من المزاد ... اذا لك سومة و جاد ... في شراء الرقم عطني سومتك .. او حدك ... ** اخوي صدقني انا اعرف ناس من الشريطية ( ما ابي اذكر اسماء ) و من اصحاب الارقام المميزة ... *** يعطيك سومات (( بملغ مرتفع ... وليسة سومة السوق بل سومة صاحب الرقم او الشريطي نفسة ) والسومة التي وضعة هي حد الرقم .. يعني ان الشريطي يبحث عن فرق السومة ... وبعد ذلك يتم البيع ... (وهذا يسمى بيع النجش) ** وبعض الشريطية يقوم بارسال رسال الى اصحاب الارقام المميز . نص الرسالة (اذا الرقم للبيع ارجوا ارسال السومة والحد ) وناسف للازعاج .. اخوي الرسائل هذه .. سببة بعض الازعاج لاصحاب الارقام المميزة ... ** وبعضهم يشتري ارقام مميزة من اصحاب الارقام المميزة بسعر اقل بعد ان يتم اقناعة بان الرقم قيمة السوقي لا يزيد عن السومة التي سامها .. وبعد فترة اصبح الرقم يبيعة بفرق عالي .. ( و هذا يسمى بخس السلعة ) *** ومنها ما يحصل في مزاد الوحات المميزة ... حيث هناك اشخاص معروفين يقومون برفع لوحة معينة اذا اصبحة ان الوحة بتخرج من ايديهم وهي بغرض ان يقع فيها اخر من سام الوحة .. فية بعض الوحات خرجة من مزاد الوحات ولو تعرضها بالجرائد ما وصلت القيمة التي رست عليها المزايدة ... ( وهذا يسمى بيع النجش ) بيع النجش وهي المزايدة في السلعة بقصد رفع سعرها والأضرار بالآخرين من خلال صفقات وهمية والتي نهى عنها رسولنا الكريم صلى الله عليه وسلم (عن أبي هُريرةَ رضي اللهُ عنه قال: قال رسوُل الله صلى الله عليه وسلم : "لا تَحَاسَدُوا، ولا تَنَاجَشُوا، ولا تَباغَضُوا، ولا تَدَابَرُوا، ولا يَبعْ بَعْضُكُمْ على بَيْعِ بَعْضٍ، وكُونُوا عِبادَ اللهِ إخْوَاناً، المُسْلمُ أَخُو المُسْلمِ: لا يَظْلِمُهُ، ولا يَكْذِبُهُ، ولا يَحْقِرُهُ، التَّقْوَى ههُنا - ويُشِيرُ إلى صَدْرِه ثَلاثَ مَرَّاتٍ - بِحَسْبِ امْرِىءٍ مِنَ الشَّرِّ أن يَحْقِرَ أخاهُ المُسْلِمِ، كُلُّ المُسْلِمِ على الْمسْلِم حَرَامٌ: دَمُهُ ومالُهُ وعِرْضُهُ" رواه مسلم. تعريف النجش : تضمن الحديث النهي عن النجش، وهو أن يزيد في ثمن سلعة ينادى عليها في السوق ونحوه، ولا رغبة له في شرائها، بل يقصد أن يضر غيره |
هذه رسالتك في العام انا مجمد 190 الف ريال لي ثلاث اسابيع ماشتريت ارقام ولا اشتغلنا في السوا وهذي رسالتك في الخاص الرقم الي انت عرضته سعره طلع مرررره انا رفعت عشان زبوني هو الي يرفع السوم ولا انا مادفع فيه 140 الف وانا لي سعي منه انا قايل للرجال الايام هاذي بيطلع الرقم اذا بيطول وماطلع عطني خبر عشان ننسق معه ياليت تقراء الرسالتين .. |
ولا يَبعْ بَعْضُكُمْ على بَيْعِ بَعْضٍ: التعريف هو ان ياتي شخص ويسوم ويزود في السوم ثم ياتي شخص اخر ويقول انا عندي رقم افضل من هذا الرقم ثم يغير راي بيعة ويقوم بشراء السلعة الاخرى..
|
انا اسف لاخواني واخواتي الاعضاء لاني قمت بي المزاد على الرقم قبل صرفة ...
وهذا للاسف غلطتي واعتذر من اخواني واخواتي الاعضاء ... وهذا للاسف يسمى بيع غرر حسب ما قول الرسول صلى الله علية وسلم واعتذر منكم جميعآ .. وفي الحديث: "نهى رسول الله صلى الله عليه وسلم عن بيع الحصاة وعن بيع الغرر" رواه مسلم. فإذا كان خفاء العيب بالسلعة غير مقصود فهو جهالة، وإن كان مقصوداً فهو تغرير مذموم. وإذا كانت صورة البيع بحالة يحتمل معها وجود العيب، وإن لم يكن مقصوداً من البائع فهو غرر أيضاً. وكل غرر فهو جهالة، ولا عكس، فالجهالة أعم من هذه الجهة. والغرر أعم من الجهالة من حيث صور البيع، المنهي عنها، ويجمعها أن الغرر هو البيع المجهول العاقبة، وفيه ظلم وعداوة وبغضاء. ومن نوع الغرر ما نهى عنه صلى الله عليه وسلم من بيع حبل الحبلة، والسمك في الماء، والمضامين، وبيع الثمرة قبل بدو صلاحها، وبيع الملامسة والمنابذة، ونحو ذلك. قال النووي: النهي عن بيع الغرر أصل من أصول الشرع يدخل تحته مسائل كثيرة جداً، فكل جهالة تؤدي إلى فساد البيع فهي غرر ولا عكس مثل : وبيع الثمرة قبل بدو صلاحها=بيع الرقم بتعميد قبل صرفة . |
العيب مو ن الشخص انة يخطي العيب ان الشخص ما يتعلم من خطائة ..
|
وعن أنس -رضي الله عنه- قال: قال رسول الله -صلى الله عليه وعلى آله وسلم-: [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] أخرجه الترمذي وابن ماجه وسنده قوي..
قال تعالى بسم الله الرحمن الرحيم آمَنَ الرَّسُولُ بِمَا أُنزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ (285)لا يُكَلِّفُ اللَّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ الْكَافِرِينَ (286) |
ارجوا العذر والسموحة ومن جميع اخواني واخواتي الاعضاء .. وخاصة اخوي الذوق و اسف اني احرجة اخوي الذوق اكثر من الازم , وارجوا بالغاء عضويتي من الموقع لاني شخص غير مرغوب فيه في هذا الموقع .. البناء واتمنى من اخواني و اخواتي العذر والسموحة .. على ما بدر منا خلال اكثر من سنتين , والعذر عن التقصر الذي بدر مني في ايام الاشراف على الموقع واتمنى لاخواني واخواتي التوفيق و الرزق الطيب الحلال ..... واسف الان الموقع لا يتشرف بموجودي معكم.. واتمنى كل التوفيق لاخوي الذوق ..الذي قام ببناء الموقع .. وصدقة في التعامل .. معنا .. ومع غيرنا ..
و هذا كل اللي عندي اخوي ملك .. واذا شايل في خاطرك شي .. العذر والسموحة وانا اخوك .. وكل شخص يخطي .. حتى ابونا آدم عليه السلام اخطاء وما فية شخص ما يخطي .. « سُبْحَانَكَ اللَّهُمَّ وبَحَمْدكَ أشْهدُ أنْ لا إلهَ إلا أنْتَ أَسْتَغْفِرُكَ وأتُوبُ إِلَيْكَ » « الَّلهمَّ اقْسِم لَنَا مِنْ خَشْيَتِكَ ما تحُولُ بِه بَيْنَنَا وبَينَ مَعٌصَِيتِك، ومن طَاعَتِكَ ماتُبَلِّغُنَا بِه جَنَّتَكَ، ومِنَ اْليَقيٍن ماتُهِوِّنُ بِه عَلَيْنا مَصَائِبَ الدُّنيَا . الَّلهُمَّ مَتِّعْنا بأسْمَاعِناَ، وأبْصَارناَ، وِقُوّتِنا ما أحييْتَنَا ، واجْعَلْهُ الوَارِثَ منَّا ، وِاجعَل ثَأرَنَا عَلى مَنْ ظَلَمَنَا، وانْصُرْنا عَلى مَنْ عادَانَا ، وَلا تَجْعلْ مُِصيَبتَنا في دينَنا ، وَلا تَجْعلِ الدُّنْيَا أكبَرَ همِّنا ولا مبلغ عِلْمٍنَا ، وَلا تُسَلِّط عَلَيَنَا مَنْ لا يْرْحَمُناَ » |
| جميع الأوقات بتوقيت GMT +3. الساعة الآن 06:26 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.
موقع في آي بي للبيع والشراء