في آي بي للبيع والشراء : بيع , شراء , سيارات , ارقام مميزه , لوحات مميزه , رقم مميز , جوال

يالله يامنزل تبارك وياسين .
تفرج على غزه وتنصر اهلها.
يالله أنا طالبك ياناصر الدين..
تاخذ بحق أرض(ن)من اللي هتكها..
يالله أنا طالبك تنصر فلسطين..
من جور ظالم جاء يدنس شرفها..
عبر الفضا بثوا لنا منظر(ن)شين..
منظر يذيب الصخر من قو اثرها..
السبت باخر عام تسعه وعشرين..
طغوة يهودي ليت ربي خسفها..
شابت رموشي عقب ماشافت العين..
مصرع طفل وام(ن)تدور ولدها..
الرجل ينخى عايش(ن)بين نارين..
نار الوطن وجروح يحرق ألمها..
حتى الحجر يصرخ يقول العرب وين..
من كافر(ن)قام يتنهّش لحمها..
حتى الحجر يبكي ويشتم صهايين..
اللي طغى بفعوله اللي فعلها..
ياناس ماعاد الصبر ينفع الحين..
هيا ليم القدس نرفع علمها..
الفعل واضح مايبيله براهين..
شي(ن)على وضح النقا ماسترها..
الفعل يبغاله رجال(ن)ميامين..
تبطش وتاخذ حق منهو ظلمها..
حنّا مانعرف غير وين الملايين..
في شاشة التلفاز نعلن طربها..
نبغى فعول(ن)تقسم الارض قسمين..
تجعل عدو الله يخسف بعدها..
يالله ياقابل صلاة المصلين..
تقبل دعانا ثم تجلي عتمها..
يالله يامبدل لنا العسر واللين..
تفرج على غزه وتحمي اهلها..
يالله انا طالبك تنصر فلسطين..
من جور ظالم جاء يدنس شرفها..

............منقوله من منتدى وادي الدواسر ................

............دمتم بحفظ الله..............